“Uzbekistan Airways” авиакомпанияси “Airbus” компанияси билан “А320neo” оиласига тегишли 12 та ҳаво кемасини (саккизта “А320neo” ва тўртта “А321neo”) харид қилиш учун шартнома имзолади. Бу ҳақда ташкилот матбуот хизмати хабар берди.

Қайд этилишича, янги авиалайнерлар авиакомпаниянинг бугунги кунда 17 та “Airbus А320” оиласига тегишли ҳаво кемаларидан иборат авиапаркига келиб қўшилади. Янги шартнома доирасида двигателларни танлаш кейинчалик авиакомпания томонидан буюртма қилинади.

Янг ҳаво кемалари “Airbus Airspace” салонига эга бўлиб, у йўловчиларга ҳаво транспорти бозорида юқори даражадаги қулайликни тақдим этади. “Uzbekistan Airways” авиакомпанияси янги ҳаво кемаларидан йўналишлар тармоғини янада кенгайтириш учун фойдаланишни режалаштирмоқда.

“Airbus билан имзоланган шартнома авиакомпания паркини модернизация қилиш стратегиямизнинг янги босқичи бўлиб, йўловчиларга энг замонавий ва қулай ҳаво кемаларини таклиф қилишни давом эттиришга имкон беради. Шу билан бирга, “А320neo” оиласининг ушбу ҳаво кемалари бизга Марказий Осиё минтақасидаги мавқейимизни янада яхшилашга ва минтақа ичида ҳам, ундан ташқарида ҳам парвозлар харитасини сезиларли даражада кенгайтиришга ёрдам беради”, – дейди “Uzbekistan Airways” АЖ бошқарув раиси Илҳом Маҳкамов.

Қайд этиш мумкин, “А320neo” оиласи ёнилғи тежамкорлиги карбонат ангидрид чиқиндиларининг камида 20 фоизини таъминлайдиган янги авлод двигателлари ва Шарклец каби энг сўнгги технологияларни ўз ичига олади. 130 дан зиёд мижозларнинг 8600 дан ортиқ буюртмаларини олган “А320neo” оиласи дунёдаги энг машҳур ҳаво кемаси ҳисобланади.

Қайд этиш мумкин, “А320neo” самолёти ўртача 140-170 нафар йўловчига мўлжалланган бўлиб унинг нархи тахминан 101 млн АҚШ долларини ташкил этади.

• Airbus
• Samolyot
• Uzbekistan airways