2025 йилда дунё бўйича атмосферага 54,1 миллиард тонна иссиқхона гази чиқарилди. Бу 2024 йилга нисбатан 0,7 фоизга, 1990 йилга нисбатан эса 68,5 фоизга кўп. Глобал чиқиндиларнинг қарийб ярми Хитой, АҚШ ва Ҳиндистон ҳиссасига тўғри келади.

Европа комиссиясининг Қўшма тадқиқот маркази (JRC) ва Халқаро энергетика агентлиги (IEA) маълумотларига кўра, иссиқхона газлари таркибида карбонат ангидрид (CO2) энг катта улушга эга. 2025 йилда унинг ҳиссаси 73,8 фоизни ташкил этган. Метан улуши 17,6 фоиз, азот оксиди 5,3 фоиз, фторланган газлар эса 3,3 фоиз бўлган.

Иссиқхона газларини энг кўп чиқарадиган соҳа электр энергияси ишлаб чиқариш ҳисобланади. 2025 йилда глобал чиқиндиларнинг 29,2 фоизи ушбу тармоқ ҳиссасига тўғри келган. Кейинги ўринларда саноат ва кончилик (21,5 фоиз), транспорт (16,2 фоиз), нефть ва газ қазиб олиш (11,3 фоиз), қишлоқ хўжалиги (11,7 фоиз), бинолар (6,6 фоиз) ҳамда чиқиндилар соҳаси (3,6 фоиз) қайд этилган.

Давлатлар кесимида Хитой 16 миллиард тоннага яқин кўрсаткич билан биринчи ўринни эгаллаган. Бу глобал эмиссиянинг 29,5 фоизига тенг. АҚШ 6,02 миллиард тонна (11,1 фоиз) билан иккинчи, Ҳиндистон эса 4,51 миллиард тонна (8,3 фоиз) билан учинчи ўринда қайд этилган.

Шунингдек, Европа Иттифоқининг 27 та давлати биргаликда глобал чиқиндиларнинг 5,8 фоизини ташкил этган. Россиянинг улуши 4,8 фоиз, Индонезияники 2,5 фоиз, Бразилияники 2,4 фоиз ва Эронники 2,1 фоизга тенг бўлган.

Мамлакатларда иссиқхона газларининг асосий манбалари ҳам фарқ қилади. Хитойда чиқиндиларнинг 42 фоизи энергетика, 31 фоизи саноат ҳиссасига тўғри келади. АҚШда транспорт соҳаси 29 фоизлик улуш билан етакчи бўлса, энергетика 26 фоизни ташкил этади. Ҳиндистонда эса асосий манба энергетика сектори бўлиб, унинг улуши