Инсонлар уланувчи корпоратив тармоқлардан ташқари, ҳар қандай Wi-Fi хавф туғдириши мумкин. Ҳаттоки, энг қийин паролнинг мавжудлиги ҳам тармоқнинг хавфсизлигини оширмайди, дейди АНО "Рақамли платформа"нинг бош директори Арсений Шельцин.

Мутахассиснинг сўзларига кўра, Wi-Fi тарқатувчи роутерга у орқали ўтувчи бутун контентни сканер қилиб олиши мумкин бўлган зарарли дастурлар ёки иловаларни юклаб олиш мумкин экан. Шу орқали хакерлар сайтларни ўзгартириши, шахсий маълумотлар, логин, пароль ва ҳаттоки, шахсий файлларни ҳам кўчириб олиши мумкин. Бундан ташқари, роутер гаджетда муайян контент чақириши ҳам мумкин. Масалан, интернетга оммавий тармоқ орқали кириш саҳифасини давлат хизматлари ёки шунга ўхшаш бошқа бир сайтлар билан алмаштириб қўйишлари мумкин. Фойдаланувчи ўз шахсий маълумотларини мана шундай сайтга киритиши вақтида улар ёвуз ниятли фойдаланувчига айланиб қолишади.

"Ёвуз ниятлиларнинг қурбонига айланганлигингизни пайқаш жуда қийин. Шу сабаб, бундай масалалар хакерлар учун биринчи ўриндаги масала саналади. Улар шундай қилиши мумкинки, сиз ҳатто ўртага хакерлар аралашганини сезмай ҳам қоласиз. Яъни, барча хакерча ҳужумларни сиз билмайсиз. Тармоғингизни "бузишганлигини" эса сизнинг маълумотларингиз бошқа бир ерда фойдаланилаётганини билганингиздагина англаб етишингиз мумкин", дейди Шельцин.

• Киберхавфсизлик
• технология