Хитой ҳукумати АҚШнинг Тайван маъмуриятига қурол етказиб бериши ҳамда Вашингтоннинг Хитой корхоналари ва жисмоний шахсларига нисбатан қўйган чекловлари муносабати билан беш Америка компаниясига қарши жавоб санкцияларини жорий қилди. Бу ҳақда Хитой ташқи ишлар вазирлиги хабар берди.

“АҚШ Хитойнинг Тайван минтақасига қурол сотиш орқали “ягона Хитой” тамойилини очиқдан-очиқ бузмоқда ва турли баҳоналар билан Хитой корхоналари ва жисмоний шахсларига қарши ноқонуний бир томонлама санкциялар киритмоқда. Америка томонининг юқоридаги жиддий қонунбузарликларига жавобан, Хитой Халқ Республикасининг “Хорижий санкцияларга қарши санкциялар тўғрисида”ги қонунига мувофиқ, Хитой 5 та компанияга нисбатан санкциялар қўллашга қарор қилдик, -дейилади Хитой Ташқи ишлар вазирлиги сайтида.

Хитой Ташқи ишлар вазирлигининг аниқлик киритишича, жорий қилинган санкциялар бу компанияларнинг активларини ва Хитой ҳудудидаги кўчмас мулкларини музлатишни ўз ичига олади.

“Хитойдаги ташкилотлар ва жисмоний шахсларга санкцияга киритилган АҚШ компаниялари билан битимлар тузиш, ҳамкорлик қилиш ёки бошқа турдаги ўзаро муносабатларни амалга ошириш тақиқланади”, — дейилади баёнотда.

Вазирликнинг қўшимча қилишича, Қўшма Штатлар ўз ҳаракатлари билан Хитойнинг суверенитети ва хавфсизлик манфаатларига путур етказади. Энг муҳими, Тайван бўғозидаги тинчлик ва барқарорликка жиддий таҳдид туғдиради.

• АҚШ
• Тайван
• Хитой
• Xitoy Tashqi ishlar vaziri