Бугун, 3 ноябрь куни қаршининг “Насаф” жамоаси ОФК Элит Чемпионлар лигаси мусобақасидаги 4-тур учрашувини ўтказади. Ушбу турда Рўзиқул Бердиев шогирдлари Қаршида БААнинг “Ал-Вахда” клубини қабул қилади. Учрашув соат 18:45 да Қаршидаги “Марказий” ўйингоҳида старт олади.

Томонларнинг бундан олдинги 2002 йилда бўлиб ўтган ягона қарам-қаршилигида “Насаф” 1:2 ҳисобида ғалаба қозонган. Ички чемпионатда иши юришмаётган “аждарлар” сўнгги иккита баҳсда дуранг қайд этди. Рақиб эса БАА биринчилигида кетма-кет 5 та учрашувдан буён ғалаба қозониб келмоқда.

Эслатиб ўтамиз, Рўзиқул Бердиев шогирдлари ушбу турнирнинг дастлабки 3 та турида учраган мағлубиятлари сабаб, ҳозирча умуман очко жамғара олмаган. Жамоа айни вақт ғарбий минтақа жадвалида сўнгги – 12-ўринда бормоқда.

• Футбол
• Насаф
• ОЧЛ
• Қарши