Функция ёрдамида фойдаланувчилар муҳим маълумотларни бошқа фойдаланувчилар билан баҳам кўришлари мумкин.

Google YouTube учун янги хусусиятни синаб кўришни бошлади. Бу ҳақда "The Verge" нашри хабар берди.

У “эслатмалар” деб номланиб, унинг ёрдамида фойдаланувчилар муҳим маълумотларни бошқа фойдаланувчилар билан баҳам кўришлари мумкин.

YouTube’даги ‘эслатмалар” функцияси асосан фойдали шарҳлардир. Уларни блогерлар эмас, балки томошабинлар маълум бир видео остида қолдиришлари мумкин.

Мисол учун, агар томошабин видеодаги хатони пайқаган бўлса, у бошқа фойдаланувчиларга хабар бериш учун бу ҳақда эслатмаларга ёзиши мумкин.

Агар эслатма фойдали бўлса, у тавсифдан сўнг дарҳол видео остида пайдо бўлади. Эслатмаларнинг фойдалилиги бошқа томошабинлар томонидан белгиланади.

Google’нинг фикрича, бундай функция YouTube’даги сохта маълумотлар миқдорини камайтиради. Ҳозирча функция фақат АҚШда ва фақат инглиз тилида ишлайди.

Жорий йил давомида Google бу функцияни синаб кўради ва аста-секин янгиликни кенгроқ фойдаланувчилар доирасига тақдим этади.

• Google
• YouTube