Астрономлар Юпитернинг илгари номаълум бўлган 12 та йўлдошини аниқлашди. Маълумотларга кўра, улкан газ гигантининг табиий йўлдошларининг умумий сони 92 тага етди.

Шундай қилиб, Юпитер табиий йўлдошлар сони бўйича Қуёш тизимида биринчи ўринни эгаллади. Бундан олдин Сатурн атрофида 83 та обект мавжуд эди. Бироқ, олимлар таъкидлаганидек, телескоплар диаметри уч километргача бўлган обектларни ажрата олганида, Сатурн ҳали ҳам биринчи ўринга қайтиши мумкин.

Янги кашф этилган табиий йўлдошлар кичик ўлчамларга эга. Қоида тариқасида, уларнинг диаметри саккиз километрдан ошмайди. Улар газ гигантидан катта масофада орбитада айланишади. Мисол учун, энг узоқ обект 18 йил ичида Юпитер атрофини айланади.

• Lifestyle
• Yupiter
• қизиқарли