Зимбабвенинг Хванге миллий боғида 2023 йил август-декабрь ойларида камида 160 та фил ҳалок бўлди. Бу ҳақда The Guardian хабар бермоқда.

Қуруқ об-ҳаво давом этаётганлиги сабабли, ёввойи табиат ҳимоячилари келажакда кўпроқ ҳайвонлар ўлишини тахмин қилишмоқда.

Зимбабве Парклар ва Ёввойи табиатни муҳофаза қилиш бошқармаси филларнинг ўлимини тасдиқлади. Уларнинг сўзларига кўра, кўпчилик очликдан ўлган. Ҳайвонларнинг кўпчилиги сув манбаларидан 50-100 метр масофада нобуд бўлган.

Бирлашган Миллатлар Ташкилотининг Гуманитар масалаларни мувофиқлаштириш бошқармаси ўтган йилнинг ноябрь ойида Зимбабвега мавсумий ёғингарчилик 50% дан кам бўлганини тасдиқлади.

Хвангедаги табиатни муҳофаза қилувчилар энди кўпроқ қудуқлар қазиш ва филларни озиқ-овқат билан таъминланадиган жойларга кўчиришга ҳаракат қилишмоқда.

• Afrika
• БМТ
• Ҳайвон
• табиат