Horijiy tillarni o‘rganish insonga ko‘plab imkoniyatlarni taqdim qiladi. Sayohatlar, daromadli ish, yangi tanishuvlar shular jumlasidandir. Ammo, shunday tillar borki, ularni o’rganish juda mushkul. Dunyodagi eng qiyin tillar qaysi ekanligini bilasizmi?
Norveg tili
Norveg tilida so’zlashuv paytida aniq bir qoidalar mavjud emas. Shu sababli muloqot vaqtida juda ko‘p qiyinchiliklar yuzaga keladi. Norveg tilida shevalar juda ko‘p. Norvegiyaning bir shahrida o’rgangan so’zlashuv uslubingizga mamlakatning boshqa burchagidagi aholi uchun tushunarsiz bo’lishi mumkin.
Nemis tili
Nemis tilida ham shevalar yetarlicha. So‘zlarni to‘g‘ri talaffuz qilish uchun 44 ta tovushni o‘rganish kerak. Nemis tili grammatik jihatdan ham biroz qiyin tuyulishi mumkin. Mazkur tildagi so‘zlar haddan tashqari ko‘p turlanishi sababli ham o‘rganish vaqtida qiyinchiliklar yuzaga keladi.
Ivrit tili
Ivrit — dunyodagi eng qadimiy til sanaladi. Uning yozilishi ham, grammatikasi ham tilni o‘rganish vaqtida katta qiyinchiliklarga sabab bo‘ladi. Harflarning barchasi bir-biriga ikki tomchi suvdek o‘xshaydi, bundan tashqari ivrit tilidagi matnni o‘ngdan chapga qarab o‘qish kerak.
Island tili
Island tili ham dunyodagi eng qadimgi tillardan biri hisoblanadi. Mazkur tilda so‘zlashuvchilar faqat Islandiyada yashashadi. Tilning asos grammatikasi 10 asrdan beri deyarli o‘zgarmagan. Leksikasi haddan tashqari qiyin. Ushbu tilni mustaqil ravishda o‘rganish imkonsiz.
Rus tili
Rus tili ham o‘rganish uchun murakkab tillardan biri sanaladi. Tilni o‘zlashtirish istagidagi xorijliklar dastavval bir qancha qiyinchiliklarga duch keladi. Tovushlar va harflarning ko‘pligi, sinonimlar , urg‘u tushunchasi o‘quvchilarni juda ko‘p adashtiradi.
Arab tili
Arab tilining yozuvi juda qiyin. Aslida arab alifbosidagi harflar soni 28 ta, ammo ular so‘z boshida, o‘rtasi va oxirida kelishiga qarab turlicha yoziladi. Fonetikada ham o‘ziga xosliklar yetarlicha.
Xitoy tili
Xitoy tili dunyodagi eng murakkab til sifatida “Ginnes rekordlari” kitobiga kiritilgan. Xitoy lug‘atlarida 85 000 tadan ortiq ierogliflar mavjud, ammo so‘zlashuvda ularning 7000 tasi ishlatiladi. Ularning har birini eslab qolish lozim. Ierogliflarni to‘g‘ri yozish esa butunlay boshqa masala. Fonetikada to‘rt hil ohang mavjud bo‘lib, bitta so‘zni noto‘g‘ri talaffuz qilish orqali uning ma’nosini butunlay o‘zgartirib yuborish mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!