Yevropa Ittifoqi ekspertlari AQSh ma’lumotlariga asoslanib, Dubayda qiymati milliard dollardan ortiq ko‘chmas mulkka ega bo‘lgan Markaziy Osiyodan kelgan muhojirlar borligi aniqlagan.

Unga ko‘ra, Dubayda ko‘chmas mulkka ega bo‘lgan markaziy osiyoliklar soni 2410 tani tashkil qilgan. Ularning Dubaydagi uylari soni esa 4420 ta. Davlatlar kesimida bo‘lib chiqadigan bo‘lsak, bu borada o‘zbekistonlik millionerlar ikkinchi o‘rinda.

Keltirilishicha, Dubayda o‘zbekistonlik millionerlar soni 470 nafar, ular egalik qilayotgan ko‘chmas mulklar esa 780 ta.

Shuningdek, Dubayda 1500 nafar qozog‘istonliklarning 2700 ta uyi bor. Turkmaniston esa o‘zining 220 ta millionerlari bilan uchinchi o‘rinni egallagan. Tojikiston hamda Qirg‘izistonda Dubayda ko‘chmas mulkka ega millionerlar soni bir xil, ya’ni 110 nafardan.

• Boylik