Oʻzbekistonda  qoramol goʻshti importi qariyb 2 ming tonna oshdi. Bu haqida Davlat statistika qoʻmitasi matbuot xizmati xabar berdi.

Maʼlumotlarga koʻra, 2022-yilning dastlabki ikki oyida Oʻzbekistonga 7 ta davlatdan qiymati 26,5 million dollarga teng boʻlgan 5,9 ming tonna qoramol goʻshti import qilingan.

Taʼkidlanishicha, 2022-yilning yanvar-fevral oylarida Oʻzbekiston eng koʻp qoramol goʻshtini import qilgan davlatlar quyidagilar boʻlib, umumiy qoramol goʻshti importi hajmining 93 foizi aynan ular hissasiga toʻgʻri kelgan: 

Belarus – 4 ming tonna;
Qozogʻiston – 1,2 ming tonna;
Ukraina – 320 tonna.

Qoramol goʻshti importi 2021-yilning mos davri bilan solishtirilganda qariyb 2 ming tonnaga oshgan. 

• Go‘sht
• statistika