Davlat statistika qo‘mitasi ma’lumotlariga ko‘ra, 2022-yilning 1-aprel holatiga respublikaning doimiy aholisi soni 35,4 mln. kishini tashkil etmoqda.

Yil boshidan buyon doimiy aholining o‘sish sur’ati 0,5 foizga oshgan.

O‘zbekiston aholisi yil boshidan buyon har oyda o‘rtacha 54,2 ming kishiga ko‘paygan. Bu esa 2022-yilning har bir kunida doimiy aholi soni o‘rtacha 1,8 ming kishiga ko‘payganini bildiradi.

Ma’lumot uchun, joriy yil 1-yanvar holatiga respublika doimiy aholisi soni 35,3 mln. kishini tashkil qilgan edi (shundan: ayollar soni – 17,5 mln. kishi, erkaklar soni esa – 17,8 mln. kishi)

Shuningdek, statistikaga ko‘ra, 2022-yilning 1-yanvar holatiga O‘zbekistonda 1 km.kv. yer maydoniga o‘rtacha 78,6 nafar doimiy aholi soni to‘g‘ri kelgan.  

• Davstatqo‘m
• Demografiya
• O‘zbekiston
• qiziqarli