O‘zbekistonda 2024-yil yakuni bo‘yicha xalqaro standartlar asosida kambag‘allik darajasi aniqlandi.

Unga ko‘ra, 2024-yilda O‘zbekistonda kambag‘allik darajasi 11 foizdan 8,9 foizga kamaygan (3,3 mln. kishi yoki 2023-yilga nisbatan 719 mingga kamaygan).

Ushbu natija – Jahon banki bilan hamkorlikda olib borilgan tadqiqotlar asosida aniqlangan.

Kambag‘allik darajasi eng yuqori pasayishlar:

– Buxoro viloyatida - 11,8 foizdan 8,7 foizgacha;

– Samarqand viloyatida - 10,5 foizdan 7,5 foizgacha;

– Namangan viloyatida - 10,4 foizdan 7,6 foizgacha;

– Qoraqalpog‘iston Respublikasida - 13,6 foizdan 10,8 foizgacha qayd etilgan. 

2024-yilda aholi bandligini ta’minlash, tadbirkorlikka jalb qilish, tomorqa va dehqonchilik uchun ajratilgan yer maydonlaridan foydalanish samaradorligini oshirish bo‘yicha ko‘rilgan choralar mamlakatda kambag‘allik darajasini pasaytirishga katta hissa qo‘shgan.

Buning natijasida 2024-yilda aholining real daromadi 10,7 foizga o‘sib, jon boshiga oyiga o‘rtacha 2,1 mln so‘mdan to‘g‘ri keldi (yil boshida – 1,7 mln so‘m).

Jumladan, aholi daromadlari tarkibida:

– ish haqi – 42,6 foiz (2023-yilda – 41,9 foiz);

– tadbirkorlikdan daromadlar – 22,9 foiz (21,4 foiz);

– pensiya, ijtimoiy yordam va subsidiyalar – 18,2 foiz (18,9 foiz);

– qishloq xo‘jaligi va tomorqadan daromadlar – 10,7 foiz (9,8 foiz);

– xorijdan pul o‘tkazmalar – 2,0 foiz (3,1 foiz);

– boshqa daromadlar – 3,6 foiz (4,9 foiz)ni tashkil etgan.

Aholining ish haqidan daromadlari esa 2023-yilga nisbatan 12,9 foizga ko‘paygan.

• Kambag‘allik
• O‘zbekiston
• viloyat