Fransiyaning Strasburg shahridagi Yevroparlament qarorgohida 6-oktyabr kuni AQSH Prezidenti Donald Tramp tasvirlangan yalang‘och haykal ko‘rgazmaga qo‘yildi. Bu haqda “Spiegel” xabar berdi.

“Orange Plague” (“To‘q sariq o‘lat”) va “Adolatsizlik qiroli” nomlari bilan tanilgan satirik asarni daniyalik haykaltarosh Yens Galsxiot yaratgan. Haykalda Tramp yalang‘och holda bir erkakning yelkasida o‘tirgan, qo‘lida esa haddan tashqari uzun golf tayog ‘ini ushlab turgan holatda tasvirlangan.

Poydevori bilan birga haykalning balandligi qariyb 2,5 metrni tashkil etadi. Muallif ma’lumotiga ko‘ra, asar 23 karatli oltin suvi bilan qoplangan. U Yevroparlamentning gavjum joylaridan birida namoyish etilgan va ko‘rg azma 8-oktyabrgacha davom etadi.

Haykaltaroshni Yevroparlamentda asarni namoyish etishga so‘lchilar fraksiyasidan bo‘lgan daniyalik yevrodeputat Per Klausen taklif qilgan. Klausen haykal namoyishiga e’tiroz bildiradiganlar haqida o‘z fikrini bildirgan.

Galsxiotning ta’kidlashicha, asar Tramp siyosatiga nisbatan tanqid sifatida yaratilgan. Haykaltarosh AQSH prezidentini iqlim inqirozini hal etish yo‘lidagi asosiy to‘siqlardan biri sifatida ko‘rsatadi. Trampning haykalga munosabati hozircha ma’lum qilinmagan.

Hozirda haykal Yevroparlament binosida 8-oktyabrgacha namoyish etilmoqda.