Isroil va XAMAS o‘rtasidagi sulh doirasida ozod etilgan asirlar orasida faol Ahed at-Temimiy ham bor.  Ahed at-Temimiydan intervyu olgan Turkiyaning Anadolu agentligining xabar berishicha, Isroil hukumati falastinlik ayollarni suvsiz va kiyimsiz ushlab turibdi.

“Mard falastinlik qiz” nomi bilan tanilgan Temimi, ozodlikka chiqqanidan keyin bergan ma’lumotida, isroilliklar orasida falastinlik mahbuslarning ozod etish ancha bahsli bo’lgan.

Uning so‘zlariga ko‘ra, qamoqxonada yana 30 ga yaqin falastinlik mahbus qolgan, ulardan 10 nafari G‘azo sektoridan bo‘lib, ular Isroilning 27-oktabr kuni boshlangan quruqlik hujumlaridan keyin qo‘lga olingan. U ularning ahvoli og‘ir ekanini ta’kidlagan.

23 yoshli Temimi 6-noyabr kuni isroilliklar tomonidan hibsga olingan va qamoqqa tashlangan. Qiz Isroil qamoqxonasida guvoh bo'lgan qonunbuzarliklar haqida OAVga:

“Qamoqxonadagi vaziyat juda og'ir, mahkum ayollar har kuni zo'ravonlikka uchraydi. Mahkum ayollar suvsiz va kiyimsiz qolib, polda uxlab, kaltaklanadi”, deb axborot bergan.

Temimiyning aytishicha, Isroil hukumati qiz qamoqxonada bo‘layotgan voqealar haqida gapirsa, otasini o‘ldirish bilan tahdid qilgan.

Oktyabr oyida Isroil qo‘shinlari bosib olingan G‘arbiy Sohilning Ramallah shahrida Temimiyning otasini qo‘lga olgan edi. U hamon Isroil qamoqxonasida saqlanmoqda.

“Mard falastinlik qiz” sifatida tanilgan Ahed at-Temimiy 2012-yilda Istanbulda Hanzala Jasorat mukofoti bilan taqdirlangan.

Temimi Rajab Toyyib Erdo‘g‘an Turkiya bosh vaziri bo‘lgan vaqtda u bilan shaxsan uchrashgan.

2017-yilda ham Temimi isroillik harbiylar tomonidan hibsga olingan va 8 oy qamoqda o‘tirgan.

• Falastin
• Isroil
• Qamoqxona
• Qurbon