Metro poyezdlar harakati va yo‘lovchilar xavfsizligini ta’minlash hamda sifatli xizmat ko‘rsatish maqsadida, yerusti estakadalari va bekatlari ma’lum muddat foydalanilgandan so‘ng rejali profilaktik ishlarni amalga oshirish zarur.

Shu munosabat bilan, “rejali profilaktik ishlar amalga oshirish uchun 2025-yil 2-avgust sanasidan boshlab, 6 ta bekatdan iborat “Texnopark – Yangiobod” bekatlari oralig‘ida metro poyezdlar harakati to‘xtatiladi”, – deb xabar bermoqda Toshkent metropoliteni Telegram kanalida.

Toshkent metropoliteni yo‘lovchilarga noqulaylik tug‘dirmaslik maqsadida, “Texnopark-Qipchoq-Texnopark” metro bekatlari oralig‘ida bepul xizmat ko‘rsatuvchi katta sig‘imli avtobuslar (metrobus) harakati yo‘lga qo‘yiladi.

“Ushbu avtobuslarning kunlik ish vaqti tonggi 05:00 dan tungi 23:00 ga qadar amalga oshiriladi”, - deyiladi xabarda.

• Metropoliten
• Toshkent