Bugun, 11-fevral kuni Vazirlar Mahkamasining “Xalqaro ta’lim dasturlari joriy qilingan texnikumlar xodimlarining mehnatiga haq to‘lash tartibi to‘g‘risidagi nizomni tasdiqlash haqida”gi 51-son qarori bilan xalqaro ta’lim dasturlari joriy etilgan texnikum xodimlari mehnatiga haq to‘lashning yangi tartibi tasdiqlandi. Unga ko‘ra:

- 100 foizlik ustama: Xalqaro dasturlarga jalb qilingan direktor, bosh buxgalter, o‘qituvchi va ustalarga har oylik majburiy ustama beriladi;

- Rag‘batlantirish jamg‘armasi: Mehnatga haq to‘lash fondining 50 foizi miqdorida maxsus jamg‘arma tashkil etiladi;

- Natijaga qarab mukofot: Yuqori reyting balli to‘plagan pedagoglar bazaviy stavkasiga nisbatan 200 foizgacha qo‘shimcha rag‘batlantiriladi.

Rag‘batlantirish quyidagi mezonlar asosida amalga oshiriladi:

- O‘quvchilarning o‘zlashtirish darajasi va xalqaro tanlovlardagi g‘olibligi;

- Chet tilini bilish (kamida B2 sertifikati);

- Xalqaro ilmiy bazalardagi (Scopus, Web of Science) maqolalar;

- Dunyoning TOP-1000 taligiga kiruvchi OTM diplomiga egalik.

Lavozim maoshlari belgilanishi:

Xalqaro dasturlar bo‘yicha bo‘lim boshlig‘i va mutaxassislarning ish haqi miqdorlari maktab direktori o‘rinbosari hamda toifali o‘qituvchilarning bazaviy stavkalariga tenglashtirildi.

Mazkur xarajatlar 2026-yilda vazirlikka ajratilgan mablag‘lar, 2027-yildan boshlab esa Davlat byudjeti hisobidan qoplanadi.

• Maosh
• Rag‘batlantirish
• Texnikum