“11-fevralga o‘tar kechasi bortida yurtdoshlarimiz bo‘lgan charter reys Toshkent xalqaro aeroportiga yetib keldi”, deb xabar bermoqda “Dunyo” agentligi.

Chet el davlatlari bilan diplomatik aloqalarning kengaygani samarasi o‘laroq tegishli idoralar bilan hamkorlikda Shvetsiyadan o‘zbekistonliklar charter reys orqali vatanga qaytarildi. 11-fevralga o‘tar kechasi bortida 21 nafar O‘zbekiston fuqarosi bo‘lgan charter reys Toshkent xalqaro aeroportiga yetib keldi.

Aniqlanishicha, O‘zbekiston fuqarolari avval Shvetsiyaga belgilangan tartib-qoidani buzgan holda kirib, keyin mamlakat hududida migratsiya qonunchiligi talablariga rioya etmasdan yurgan.

Parvozni tashkil etish O‘zbekiston va Shvetsiya vakolatli organlarining muvofiqlashtirilgan hamkorligi natijasida amalga oshirilgan.

• Elchixona
• O‘zbekistonlik
• Shvetsiya
• fuqaro