Yapon ayollarining yosh koʻrinishiga hammaning havasi keladi. Bunga mamlakatdagi yuqori yashash darajasi sabab boʻlgan deyish notoʻgʻri. Ular bolalikdanoq terini parvarish qilishni oʻrganishadi, salomatlik haqida qaygʻurishadi. Yapon ayollarining qanday qilib har doim yosh koʻrinishlari sirini bilib olishni xohlaysizmi?

Tabiiy yogʻlar  

Yevropa va Amerikada faoliyat yuritadigan kosmetik kompaniyalar biri koʻp yillardan beri oil-free, yaʼni tarkibida yogʻ mavjud boʻlmagan mahsulotlarni targʻib qilib keladi, yaponiyalik qizlar esa terini parvarish qilishda yogʻdan voz kechish niyatida emaslar. Ular aynan ushbu mahsulot yordamida yuz terisini tozalashadi va uni qurib qolishdan himoya qilishadi. Har bir yaponiyalik ayol oʻz terisining turiga mos keladigan yogʻni tanlash va undan iloji boricha koʻproq foydalanishga harakat qiladi. Yaponiyalik ekspertlarning soʻzlariga qaraganda, terini har doim va hamma joyda, har hil mashgʻulotlar bilan band boʻlgan holatlarda “yogʻlab” turish kerak. Ikkita muhim eslatma: yaponiyalik ekspertlar teri parvarishida mineral vositalardan foydalanishni maslahat berishmaydi, yuz terisi yaltirab turishi uchun esa kameliya yogʻini tavsiya qilishadi. 

Tozalash muolajalari 

Yapon ayollari terini parvarish qilishda oddiy, biroq muhim jarayonga  katta eʼtibor qaratishadi. Ushbu muolaja kundalik odatga aylanib qolgan, tozalovchi vositalar esa Yaponiyadagi kosmetika doʻkonlarida boshqa vositalardan qimmatroq turadi. Yaponiyalik ekspertlar terining goʻzalligi va yoshligini saqlab qolish uchun uni kuniga ikki marta tozalashni maslahat berishadi. Yaponiyalik qizlar orasida gidrofil yogʻi juda mashhur – bu yogʻlar, suv va emulgator aralashmasi boʻlib, teriga surtilganda kremga oʻxshab ketadi, yuz terisidagi kir qavatni tozalaydi va yogʻli yaltirashning oldini oladi. 

Teriga kamroq zarar berish 

Yaponiyalik qizlarning goʻzallik sirlaridan biri – teriga “hurmat bilan munosabatda boʻlish” hisoblanadi. Yaponiyada ishlab chiqarilgan kosmetik vositalar tabiiy tarkibga ega boʻladi, bu yerda yashovchi qizlar va ayollar dekorativ kosmetikadan kam foydalanishadi. Ayollar orasida plastik jarrohlik amaliyotlariga ham shunday munosabat mavjud. Yaponiyalik ayollar tashqi koʻrinishning chiroyli boʻlib turishidan tashqari, organizmning ichki resurslari haqida ham oʻylashadi, tabiiylikka koʻproq eʼtibor berishadi. Yaponiyadagi kosmetologiya yoʻnalishida eng mashhur amaliyot – limfodrenaj uqalash muolajasi hisoblanadi. 

Matoli niqoblar 

Matoli niqoblar Yaponiyada qadimdan mashhur boʻlgan. Ayollar ipak matoni atirgul suviga botirib, yuzlariga qoʻyib, terini parvarish qilishgan. Keyinchalik teridagi teshiklarni vaqtincha yopish muolajasi yaxshiroq taʼsir qilishi, uning natijasi oddiy niqoblar va essensiyalardan  yaxshiroq boʻlishi, bunda parvarish turi terini namlantirib, qarishning oldini olishi aniqlangan.
Yaponiyalik qizlar matoli niqoblardan birinchi boʻlib foydalanishni oʻrganganlar, yevropalik qizlar esa bu usulni 2010-yildan keyin oʻzlashtirishgan. 

Biologik faol qoʻshimchalar

Yaponiyada biologik faol qoʻshimchalar juda mashhur. Ularning qalbakisini deyarli uchratmaysiz. Har bir mahsulot yillar davomida tekshiriladi va sinov jarayonlaridan oʻtadi. Yaponiyalik ayollar orasida fermentlar va probiotiklarga ega biologik faol qoʻshimchalar keng ommalashgan, ular terini yoshartiradi deb hisoblashadi. Terining chiroyli holatini saqlab qolish uchun esa yapon qizlari kollagenli va gialuronli qoʻshimchalardan foydalanishadi.

• Foydali
• layfxak
• qiziqarli