Joriy yil 20-iyun kunidan 2022/2023-o‘quv yili uchun oliy ta’lim muassasalarining bakalavriat ta’lim yo‘nalishlariga abituriyentlarni onlayn ro‘yxatga olish boshlangandi. Xususan, 28-iyundan Davlat test markazining “My.dtm.uz” sayti orqali yo‘nalishlarni tanlash imkoniyati ochildi.

Unga ko‘ra, abituriyentlar 5 tagacha yo‘nalish tanlashi mumkin. 2022-yildan boshlab bir paytning o‘zida bir nechta ta’lim shakllarini (kunduzgi, sirtqi, kechki, masofaviy) tanlasa bo‘ladi.

Ro‘yxatga olish 20-iyulga qadar (20-iyul kuni ham) davom etadi va abituriyentlar 20-iyulga qadar o‘z ma’lumotlarini o‘zgartirishlari hamda chet tilidan milliy yoki xalqaro sertifikatga ega bo‘ladigan bo‘lsa, sertifikat ma’lumotlarini kiritishlari mumkin bo‘ladi.

Shuningdek, chet tilidan kasbiy (ijodiy) imtihon o‘tkaziladigan bakalavriat ta’lim yo‘nalishlariga onlayn ro‘yxatga olish esa 10-iyulga qadar (10-iyul kuni ham) amalga oshiriladi.

• Bakalavr
• DTM
• Imtihon
• ijod