Bugun, 28-oktyabr kuni O‘zbekistonning yangi tayinlangan Favqulodda va Muxtor Elchisi Oybek Usmonov Afg‘oniston poytaxtiga tashrif buyurgan. Bu haqda “Dunyo” axborot agentligi xabar bermoqda.

Ma’lum bo‘lishicha, diplomat 62 yoshda. U Toshkent davlat universiteti (hozirgi O‘zbekiston Milliy universiteti)ning filologiya va sharqshunoslik fakultetini tamomlagan. Shuningdek, 2020-2024-yillarda Pokistondagi elchi lavozimida ishlagan.

Qayd etilishicha, Oybek Usmonov 1998-yildan buyon Tashqi ishlar vazirligi tizimida faoliyat yuritib, markaziy apparatda va mamlakatimizning xorijdagi diplomatik vakolatxonalarida turli lavozimlarda ishlab kelmoqda.

Kobulga tayinlanishidan oldin diplomat Misr va Pokistondagi elchi, 2011-2012-yillarda esa O‘zbekiston tashqi ishlar vazirining o‘rinbosari lavozimlarida faoliyat ko‘rsatgan.

Afg‘onistondagi yangi elchi Pashtu-dari va ingliz tillarini mukammal biladi.

• Afg‘oniston
• Elchi