Bu haqda marhum siyosatchining bevasi Yuliya Navalnaya e’lon qildi.

“Mukofot har yili 4 iyun – Aleksey Navalniyning tug‘ilgan kunida yosh siyosatchilar va mahalliy tashabbuslar vakillariga topshiriladi”, – deya aniqlik kiritgan Yuliya Navalnaya Berlindagi Kayzer Vilgelm Memorial cherkovida Navalniyning xotirasiga bag‘ishlangan tadbirda.

Navalnaya, shuningdek, Aleksey bilan hech qachon uning ishini davom ettirishi mumkin bo‘lgan vaziyatni muhokama qilmaganini ta’kidlagan.

“U tavakkal qilishga tayyor edi, lekin menga bunday taqdirni ravo ko‘rmasdi va har doim meni himoya qilishni istardi. Men doimo xavf ichida yashayotganimizni bilardim, Aleksey esa hech qachon ortga chekinmasdi. Ammo men buni hech qachon tushunmagan edim... 16-fevral kuni tushundim. Men Vladimir Putin rejimi iloji boricha tezroq tugashini judayam xohlayman. Men orqaga – uyga qaytishni orzu qilaman”, — degan Yuliya o‘z nutqida.

• Aleksey Navalniy
• Mukofot