2022-yil 5-avgust kuni “Amazon” kompaniyasi qarzlarini hisobga olgan holda robot changyutgichlar ishlab chiqaruvchi “iRobot” kompaniyasidan 1,7 milliard dollarga sotib olish bo‘yicha shartnoma tuzilganini e’lon qildi.

“Amazon” “Roomba” brendi ostida aqlli changyutgichlar ishlab chiqaruvchi “iRobot” ulushi uchun 61 dollar to‘laydi. Bu kompaniya aksiyalarining 4 avgustdagi savdolar yakunlanganidan keyingi qiymatidan 22 foizga ko‘proq, deganidir. “iRobot” yilning ikkinchi choragida 255,4 million dollar daromad olgan bo‘lsa-da, sof zarar 43,4 million dollarni tashkil etdi.

Shartnoma yopilganidan keyin “iRobot” asoschisi va bosh direktori Kolin Engl bosh direktor sifatida qoladi. Kompaniya 1990-yildan beri mavjud. Shuningdek, “iRobot” portfeliga “Braava” robot changyutgichlari va tez tozalash uchun turli elektron qurilmalar kiradi.

Soha mutaxassislarining fikricha, “Amazon” “iRobot”ni sotib olgach, o‘zining “Astro” uy robotidan tashqari, iste’molchi robototexnikasi sohasida ham yangi yechimlarni taklif qila boshlaydi.

Qayd etish mumkin, “Amazon.com” bu elektron tijorat, bulutli hisoblash, raqamli oqim va sun’iy intellektga e’tibor qaratadigan Amerika ko‘p millatli texnologiya kompaniyasi hisoblanadi. U “dunyodagi eng nufuzli iqtisodiy va madaniy kuchlardan biri” deb tan olingan va dunyodagi eng qimmat brendlardan biri hisoblanadi. Bu “Alphabet”, “Apple”, “Meta” va “Microsoft” bilan bir qatorda Amerikaning Katta beshlik axborot texnologiyalari kompaniyalaridan biridir.

“Amazon”ga Jeff Bezos tomonidan 1994-yil 5-iyulda Vashington shtatining Bellevyu shahridagi garajda asos solingan. Dastlab kitoblar onlayn-bozori bo‘lib, u ko‘plab mahsulot toifalariga aylangan va “The Everything Store” nomini oldi. Kompaniya asoschisi Jeff Bezos dunyoning eng boy insonlaridan biri bo‘lib, 159 million dollar boyligi bilan Ilon Maskdan so‘ng 2-o‘rinni egallab turibdi.

• Amazon
• Changyutgich
• robot
• texnologiya