“Apple” kompaniyasi Buyuk Britaniya, Germaniya, Italiya va Ispaniyada yangilangan “iPhone 13” seriyali smartfonlarini sotishni boshladi. Keyinchalik ular boshqa mamlakatlarda, shu jumladan Amerika Qo‘shma Shtatlarida paydo bo‘lishi kutilmoqda.

Hozircha bu formatda faqat midnayt (gadjetlar uchun taqdim etilgan g‘ayrioddiy rangli korpus) “iPhone 13” mini, shuningdek, grafit (uglerod elementining kristall shakli) variantidagi “iPhone 13 Pro” va “iPhone 13 Pro Max” mavjud. Barcha holatlarda chegirma 15 foizni tashkil qiladi.

Ta’kidlanishicha, model va rang mavjudligi mamlakatga va qayta ishlab chiqarilganligiga qarab farqlanadi.

Rasmiy yangilangan “iPhone”lar “Apple” qayta sotish uchun qulay holatga keltirgan foydalanilgan qurilmalardir. Biroq, bunda ishlatilgan gadjetlarda juda kam yangilik bo‘ladi: qurilmalarni sotishdan oldin ular batareya va korpus o‘zgartiriladi, tozalanadi, sinovdan o‘tkaziladi va yangi zaryadlovchi kabel bilan yangi qutiga joylashtiriladi. Bunday “iPhone” cheklangan 12 oylik kafolatga ega bo‘ladi, foydalanuvchilar hatto “AppleCare +”dan (kompaniyaning kengaytirilgan kafolat rejalari va qurilmalari uchun texnik yordam xizmati) ham foydalanshilari mumkin.

Yani versiyani eskilaridan qanday farqlash mumkin?

Bunday qurilmani eskilaridan farqlash oson: qutida smartfon tasviri o‘rniga faqat model nomi va “Apple Certified Pre-Owned” yozuvi bosilgan. Yangilangan “iPhone”larning barcha qutilari oq rangda, shuning uchun Pro versiyalarida farq yanada sezilarli: yangi smartfonlar uchun ular qora rangda bo‘lishi kerak.

Yuqori ehtimollik bilan bunday qurilmalar yaqin orada O‘zbekistonda ham paydo bo‘ladi. Hamma sotuvchilar smartfonning rasman yangilanganligini sizga ma’lum qilmasligi mumkin shuning uchun sotib olishdan oldin qadoqlarga e’tibor bering.

Agar siz qadoqlangan emas, balki ishlatilgan smartfonni sotib olsangiz va pulni tejash uchun qutisiz modelni olishga tayyor bo‘lsangiz, sozlamalar bo‘limidan qurilma haqidagi ma’lumotlarga qarang. Qayta tiklangan model raqamidagi F harfi bilan boshlanadi, yangisi esa M harfi bilan boshlanadi. Shuningdek, ushbu ssenariyda smartfonni faollashtirish blokirovkasi bor-yo‘qligini tekshirish zarar qilmaydi.

Qayd etish mumkin, “iPhone” dunyodagi eng ko‘p sotib olinuvchi va Apple korporasiyasi tomonidan ishlab chiqilgan smartfonlar seriyasi hisoblanadi. Ular iOS operasion tizimi ostida ishlaydi, bu mobil qurilmada ishlash uchun macOS’ning soddalashtirilgan va optimallashtirilgan versiyasidir. “iPhone” birinchi marta 2007 yil 9 yanvarda “Macworld Expo” ko‘rgazmasida Stiv Jobs tomonidan namoyish qilingan.

• Apple
• iPhone