Reuters axborot agentligining xabar berishicha, Ugandada ishlovchi yoki aynan shu mamlakat masalalari bilan shug‘ullanuvchi davlat departamenti xodimlariga eng yirik kiberhujum amalga oshirildi. 

Qayd etilishicha, AQSh davlat departamenti rasmiylariga tegishli kamida 9 ta iPhone smartfoni noma’lum xaker tomonidan Isroilning NCO guruhi ishlab chiqqan josuslik dasturlari yordamida buzib kirilgan.

NCO Group o‘z mahsulotlarini davlat huquq-tartibot idoralari va razvedkachilarga sotayotgani ma’lum. Bungacha NCO Group dasturi davlat amaldorlari, jurnalistlar, faollar, akademiklar va elchixonalarning smartfonlarini buzish uchun bir necha bor ishlatilgan.

Hozirda xakerning shaxsini aniqlashtirish ishlari ketmoqda.

Joriy yilning noyabri oxirida Apple korporatsiyasi NCO Group hamda uning asosini tashkil qiluvchi  Q Cyber Technologies ustidan da’vo ishi ochgandi. Bunda kompaniyalar Apple qurilmalari egalarini shpion dasturlar orqali kuzatishga nisbatan javobgarlikka tortilishlari kutilgandi.

• AQSh
• Apple