“Tramp ma’muriyati tomonidan ishlab chiqilayotgan Grenlandiyani sotib olish rejasi “grenlandiyaliklarni sotib olish” variantiga aylanishi mumkin. Vashington rasmiylari orol aholisini Daniyadan ajralib chiqishga va ehtimol Qo‘shma Shtatlarga qo‘shilishga ko‘ndirish uchun ularga bir martalik nafaqa to‘lash imkoniyatini muhokama qildi”, – deb yozmoqda Reuters.

Grenlandiya aholisiga to‘lovlar g‘oyasi 57 ming kishilik orolni sotib olish variantlaridan biri hisoblanadi. To‘lovlarning aniq miqdori va mexanizmi hali aniqlanmagan bo‘lsa-da, rasmiylar, jumladan, Oq uy xodimlari har bir kishi uchun 10 ming dollardan 100 ming dollargacha bo‘lgan miqdorni muhokama qilgan.

Orol aholisiga bevosita to‘lovlar varianti Trampning bitimlarga bo‘lgan moyilligiga qaramay, Daniyaga iqtisodiy qaramligini uzoq vaqtdan beri muhokama qilib kelayotgan va to‘liq mustaqillikka erishishni istagan Grenlandiya aholisi uchun kamsituvchi bo‘lib tuyulishi mumkin, deb ta’kidlaydi agentlik.

Ma’lumot uchun, 2025-yilda o‘tkazilgan so‘rovnomada grenlandiyaliklarning 56 foizi mustaqillik uchun ovoz berishga tayyorligini, 28 foizi qarshi ovoz berishini bildirgan. Ushbu so‘rovnomada qatnashganlarning 85 foizi Grenlandiyaning AQSh tarkibiga kirishiga qarshi chiqqan.

• AQSh
• Tramp
• reja