Donald Tramp o‘zining Truth Social ijtimoiy tarmog‘ida AQSh tomonidan 14 ta mamlakatga yuborilgan maktublarni e’lon qildi. Ular orasida Yaponiya va Janubiy Koreya kabi asosiy ittifoqchilar bilan bir qatorda Serbiya, Tailand, Tunis va Qozog‘iston kabi kichik eksportchilar ham bor. Bu maktublarda qo‘shimcha muzokaralar uchun imkoniyatlar nazarda tutilgan bo‘lsa-da, javob choralari ko‘rilsa, bunga ham shunday javob qaytarilishi haqida ogohlantirilgan.

Tramp maktub yuborgan davlatlarga quyidagi boj stavkalarini joriy qilmoqchi ekanligini ma’lum qilgan:

—Tunis, Malayziya va Qozog‘iston uchun 25 foiz;

— Janubiy Afrika Respublikasi, Bosniya va Gersegovina uchun 30 foiz;

— Indoneziya uchun 32 foiz;

— Serbiya va Bangladesh uchun 35 foiz;

— Kambodja va Tailand uchun 36 foiz;

— Laos va Myanma uchun 40 foiz.

Reuters’ga ko‘ra, yangi bojlar 1-avgustdan kuchga kiradi.

• AQSh
• Davlat boji
• Import
• Tramp