“8-avgust kuni Oq uyda Ozarbayjon prezidenti Ilhom Aliyev va Armaniston bosh vaziri Nikol Pashinyan AQSh prezidenti Donald Tramp vositachiligida harbiy qarama-qarshilikdan voz kechish to‘g‘risidagi deklaratsiyani imzoladi”, – deya xabar bermoqda Reuters.

“Biz nihoyat tinchlik o‘rnatishga erishdik. Armaniston va Ozarbayjon abadiy barcha jangovar harakatlarni to‘xtatishga, savdo, sayohat va diplomatik munosabatlarni tiklashga, hamda bir-birining suvereniteti va hududiy yaxlitligiga hurmat ko‘rsatishga kelishib oldi”, — degan Qo‘shma Shtatlar rahbari.

Uning ta’kidlashicha, Vashington har ikki davlat bilan energetika, savdo va texnologiya sohalarida hamkorlikni kengaytirish bo‘yicha ikki tomonlama bitimlarni imzolaydi.

“Shuningdek, biz Ozarbayjon va Qo‘shma Shtatlar o‘rtasidagi mudofaa sohasidagi hamkorlik bo‘yicha cheklovlarni bekor qilamiz”, — deya ta’kidlagan Tramp.

• AQSh
• Armaniston
• Bitim
• Ozarbayjon
• shartnoma