Asus kompaniyasi o‘zining 4G va 5G Galaxy smartfonlari hamda Galaxy Z Flip 5 smartfonidagi simsiz aloqa patentlarini buzganlikda ayblab, Samsung kompaniyasini sudga berdi. Bir yarim yil avval Asus huquqshunoslari Samsung'dan patentlangan texnologiyadan foydalanganlik uchun litsenziya to‘lovlarini to‘lashni so‘ragan, biroq kompaniya rad javobini bergan. Shu tariqa ikki gigant kompaniya o‘rtasida kelishmovchilik yuzaga kelgan.

Ilgari Asus o‘z patentlariga ega bo‘lgan “Asus Technology Licencing” va “Innovative Sonic Limited” kompaniyasini ro‘yxatdan o‘tkazgan. Keyin kompaniyalar “Celerity IP”ni o‘zlarining eksklyuziv litsenziati etib tayinladilar va u Texasning Sharqiy okrugida simsiz patent bo‘yicha Samsung'ga qarshi da’vo ariza berdi. Unda “simsiz aloqa tizimidagi moslashtirilgan resursdan foydalangan holda uzatishni yaxshilash usuli va apparati” tasvirlangan.

Standart muhim patentlar bo‘yicha sud jarayoni odatda yillab davom etadi. Agar sud Samsung kompaniyasiga o‘zining intellektual mulki uchun huquq beruvchi to‘lovni to‘lashga majbur qilsa, bu kompaniyaning smartfon biznesi uchun og‘ir zarba bo‘ladi. Biroq kompaniyalar hali ham o‘zaro litsenziya shartnomasini tuzishlari mumkin.

Ma’lumot o‘rnida, Xitoyning Huawei va Xiaomi kompaniyalari global patent bo‘yicha o‘zaro litsenziya shartnomasini tuzishgan. Shartnoma aloqa texnologiyalarini, jumladan, 5G’ni ham qamrab oladi. Shartnoma ikkala firma o‘rtasidagi patent litsenziyasi bo‘yicha kelishmovchilikni hal qilgan.

• Android
• Telefon
• layfxak
• texnologiya