Avstraliyaning sharqiy qirg‘og‘ida bir juft kulrang gigant kengurular lager yaqinida janjallashdi. Bu haqda voqea joyida bo‘lgan “9News” telekanali muxbiri xabar bergan.

Qayd etilishicha, hayvonlar chodirlardan biriga tasodifan kirib ketgan va unda uxlayotgan sayyohlarni cho‘chitib yuborgan. Biroq ma’lum vaqtdan so‘ng ular lagerni tark etgan.

Xabar qilinishicha, odamlar va hayvonlarning hech biri jabrlanmagan.

Qayd etish mumkin, kulrang sharqiy kenguru (gigant kenguru) o‘z turining ikkinchi eng katta vakili hisoblanadi. Dumi bilan tanasining uzunligi o‘rtacha 160 dan 280 santimetrgacha, katta yoshlilarining vazni 70 dan 90 kg gacha. Ular 64 km/soat tezlikda harakatlana oladi.

Bundan tashqari, bu kengurular ko‘pincha va bajonidil odamlar bilan muloqot qilishadi, kamdan-kam hollarda tajovuzkorlik ko‘rsatadi. Ular kichik shaharlar yoki qishloqlar yaqinida joylashishi mumkin.

• Avstraliya
• Sayyoh