Samarqand viloyatining Pastdarg‘om tumanida aliment masalasiga oid noodatiy holat yuz berdi. Turmush o‘rtog‘ini aliment to‘lamagani uchun sudga bergan ayol keyinchalik o‘zi sudga murojaat qilib, erini ozod etishni so‘radi.

Majburiy ijro byurosi axborotiga ko‘ra, er-xotin aslida bir oilada yashab, farzandlarini birgalikda tarbiyalab kelgan. Biroq rasmiy hujjatlarda erkak aliment to‘lovchi sifatida qayd etilgan. Oilaviy kelishmovchiliklar sabab erkakka 15 sutka ma’muriy qamoq jazosi tayinlangan. Ammo turmush o‘rtoqsiz ro‘zg‘or yuritish qiyin kechganligi bois, ayol aliment qarzdorligini o‘zi to‘lab, beshinchi kuni sudga murojaat qilgan va erini ozod qilishni so‘ragan.

Sud arizani ko‘rib chiqib, ayolning iltimosini inobatga olgan hamda erkakni muddatidan oldin ozodlikka chiqargan.

• Aliment
• MIB
• Samarqand
• Sud
• qarzdor