Toşkent tumani tibbiyot birlaşmasi rahbari Husan Asadovning turmuş örtoği Gulnora Asadovani Tumanlararo perinatal markazi mudiri lavozimiga tayinlaş yuzasidan xizmat tekşiruvi boşlandi. 

Buyruq nusxasiga köra, Gulnora Asadova 12-oktyabrdan lavozimga tayinlangan. Hujjatda Mehnat kodeksining 122 va 127-moddalari hamda u bilan tuzilgan mehnat şartnomasi asos sifatida körsatilgan.

Toşkent viloyati soğliqni saqlaş boşqarmasi ham holat nazoratga olinganini bildirdi. Boşqarma ma’lumotiga köra, Mehnat kodeksining 121-moddasida yaqin qarindoşlarning bevosita böysuniş yoki nazorat ostida işlaşiga doir çeklovlar belgilangan. Örganiş yakunlariga köra, qonunçilikda belgilangan tartibda çoralar körilişi ma’lum qilingan.

Şuningdek, mudirlik lavozimi uçun hujjat topşirgan nomzodlardan biri “Daryo”ga tanlov jarayonida uç nafar şifokorga bosim ötkazilganini aytgan. Uning ta’kidlaşiça, u nomzodini qaytarib oliş haqidagi telefon qönğiroğidan söng bunga rozi bölmagan. Keyinçalik ARGOS platformasidagi talablarga ilmiy faoliyat yoki ilmiy darajaga ega böliş şarti qöşilgani sababli nomzodlar tanlovdan çiqarilgan. Bu iddaolar yuzasidan rasmiy xulosa keltirilmagan.

Ayni paytda tayinlovning qonuniyligi va tanlov jarayoni böyiça örganiş işlari davom etmoqda.