Xabaringiz bor, Isroil aviatsiyasi Yaman g‘arbidagi Hudayda port shahriga hujum uyushtirdi. Mazkur hujum natijasida neft omborlari va elektr tizimlari portlatilib, vayron qilindi. Shuningdek, tinch aholining bir qismi ham qurbon bo‘ldi.

BMT Bosh kotibi Antoniu Guterrish esa mazkur hujum oqibatlaridan qattiq xavotirda ekanligini bildirdi. Butunjahon tashkiloti rahbari idorasi tarqatgan xabarga ko‘ra, Guterrish barcha tomonlarni maksimal vazminlikka chaqirgan.

“Bosh kotib barcha manfaatdor tomonlarni tinch aholiga zarar yetkazishi yoki fuqarolik infratuzilmasiga zarar yetkazishi mumkin bo‘lgan hujumlardan qochishga chaqiradi”, – deyiladi xabarda.

• BMT
• Isroil
• Yaman