31°
Kechasi 18°
Shu kunlarda Birlashgan Arab Amirliklarining Abu-Dabi shahrida Jahon bojxona tashkilotining Texnologik konferensiyasi bo‘lib o‘tmoqda.
Nufuzli xalqaro tadbirda Bojxona qo‘mitasi Raisi A.Mavlonov boshchiligidagi O‘zbekiston delegatsiyasi ham faol ishtirok etmoqda.
Konferensiyada asosiy e’tibor bojxona organlarining texnologik rivojlanishini jadallashtirish, raqamli va innovatsion yondashuvlar bo‘yicha ilg‘or xalqaro tajribalarni o‘rganish hamda ularni milliy amaliyotga joriy etishga qaratilgan bo‘lib, nufuzli anjuman doirasida ko‘rgazma ham tashkil qilingan.
Konferensiya birinchi ish kunining o‘zidayoq Bojxona qo‘mitasi Raisi A.Mavlonov va Jahon bojxona tashkiloti Bosh kotibi Yan Sondersning ikki tomonlama uchrashuvi bo‘lib o‘tdi.
Tomonlar dastlab kuni kecha dunyo bo‘ylab keng nishonlangan “26-yanvar – Xalqaro bojxonachilar kuni” bilan bir-birlarini muborakbod etishdi. Xususan, Bosh kotib O‘zbekiston Respublikasi Prezidenti tomonidan bojxona sohasi xodimlariga yo‘llangan tabrikda Jahon bojxona tashkiloti bilan hamkorlikka alohida urg‘u berilganini olqishladi.
Uchrashuvda O‘zbekiston va Jahon bojxona tashkiloti o‘rtasidagi hamkorlikni yanada rivojlantirish, xususan bojxona xodimlarining kasbiy salohiyatini oshirish, hamkorlikda o‘quv tadbirlarni tashkil etish, shuningdek, hamkorlikning kelgusidagi istiqbolli yo‘nalishilari yuzasidan muzokaralar olib borildi.
A.Mavlonov Jahon bojxona tashkilotining 7-Global Kinologiya forumi joriy yilda O‘zbekistonda o‘tkazilishi bo‘yicha qaror qabul qilinganligi uchun Bosh kotib Yan Sondersga minnatdorlik bildirib, bu qaror Bojxona qo‘mitasining Milliy kinologiya markazi faoliyatiga bildirilgan xalqaro darajadagi e’tirof ekanligini ta’kidladi.
Uchrashuvda, shuningdek, Bojxona institutiga Jahon bojxona tashkilotining Mintaqaviy o‘quv markazi maqomini berish masalasi ham ko‘rib chiqildi.
Yakunda, Jahon bojxona tashkiloti bilan hamkorlikni rivojlantirishga qo‘shgan ulkan hissasi uchun tashkilot Bosh kotibi Yan Sonders Bojxona qo‘mitasining yaqinda ta’sis etilgan “Xalqaro hamkorlik uchun” ko‘krak nishoni bilan birinchi bo‘lib taqdirlandi.
Bojxona qo‘mitasi delegatsiyasining BAAga tashrifi davom etmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
