Xalqaro futbol federatsiyasi (FIFA) rasmiy bayonotida Isroil futbol assotsiatsiyasiga (IFA) nisbatan intizomiy choralar ko‘rilganini ma’lum qildi.

Tashkilot Falastin futbol assotsiatsiyasining (PFA) shikoyatlarini ko‘rib chiqqan va taxmin qilinayotgan qoidabuzarliklar bo‘yicha tekshiruv o‘tkazgan. Natijada FIFA qoidalariga ko‘ra, ikki holatda buzilish aniqlangan:

haqoratli xulq-atvor va halol o‘yin (fair play) tamoyillariga zid harakatlar;

kamsitish va irqchilik mazmunidagi haqoratlar.

Natijada IFA 150 ming shveysariya franki miqdorida jarimaga tortildi. Ushbu mablag‘ning uchdan bir qismi kamsitishga qarshi kurash dasturlariga yo‘naltiriladi.

Shuningdek, FIFA Isroil tomoniga kelgusida bunday holatlarning oldini olish bo‘yicha aniq reja ishlab chiqishni topshirdi. Bundan tashqari, IFA keyingi uchta uy uchrashuvida “Futbol dunyoni birlashtiradi – kamsitishga yo‘q deymiz” degan mazmundagi bannerlarni stadionda joylashtirishi shart qilib belgilandi.

• FIFA
• Falastin
• Futbol
• Isroil
• Sanksiya