Bugun, 22-sentyabr kuni tongda Londondagi “Uembli” stadionida katta professional boks oqshomi bo‘lib o‘tdi.

Mazkur eventning asosiy voqeasi superog‘ir vazn toifasida yulduz Entoni Joshua va Britaniyaning yana bir vakili Daniel Dyubua o‘rtasida titul uchun kechgan jang bo‘ldi. Ushbu jangni jonli kuzatish uchun arenaga 96 ming muxlis yig‘ildi.

Dyubua mazkur jangda IBF kamarini sobiq jahon chempionidan himoya qilishi kerak edi va buni uddasidan chiqdi.

Dyubua jang davomida Joshuani 3 marta nokdaun holatiga tushirib qo‘ydi. “Ey Jey” esa raqibiga aytarlik qarshilik ko‘rsata olmadi va 5-raundga kelib, chuqur nokautga uchradi va o‘rnidan tura olmadi.

Ushbu jangdan avval Dyubuaga ko‘pchilik ishonmagandi, ammo u ringda kichik mo‘jiza ko‘rsatib, bir vaqtlar dunyoda tengi yo‘q bo‘lgan raqibini shunchaki yanchib tashladi.

• Boks
• Joshua