31°
Kechasi 18°
2025-yil 9-avgust kuni Bolgariyaning Sozopol shahridagi Kavatsite sohilida cho‘kayotgan ukrainalik qizni qutqarishga urinish chog‘ida halok bo‘lgan 22 yoshli O‘zbekiston Respublikasi fuqarosi J.M.ning jasadi Bolgariya Respublikasi Favqulodda vaziyatlar vazirligining qutqaruv xizmatlari tomonidan suv ostidagi yirik qoyatoshlar orasidan olib chiqilgan. Bu haqda O‘zbekistonning Istanbul shahridagi Bosh konsulxonasining Telegram sahifasida xabar berildi.
Hozirda O‘zbekiston Respublikasining Istanbul shahridagi Bosh konsulxonasi Bolgariyadagi Faxriy konsullik bilan hamkorlikda marhumning jasadini O‘zbekistonga qaytarish bo‘yicha zarur chora-tadbirlarni ko‘rmoqda.
“Fursatdan foydalanib, Bosh konsulxona marhumning oila a’zolari va yaqinlariga yana bir bor chuqur hamdardlik bildiradi”, – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
