Boliviyaning sobiq prezidenti Janin Agnes 2019-yilgi davlat to‘ntarishiga aloqadorlikda ayblanib, 10 yilga ozodlikdan mahrum qilindi. Hukm haqida Pagina Siete gazetasi saytida e’lon qilingan.

Qayd etilishicha, prokurorlar Agnesni 15 yilga ozodlikdan mahrum etishni so‘ragan. Sud yakuniy hukmni jarayonda ishtirok etgan tomonlarga eʼlon qilgan. Biroq, rasmiy qaror bir necha kundan keyin e’lon qilinadi.

Ma’lum qilinishicha, politsiya sobiq prezidentni 2021-yil 13-martga o‘tar kechasi davlat to‘ntarishi ishi doirasida terrorizm va fitna uyushtirishda gumon qilib hibsga olgan. Tergov ma’lumotlariga ko‘ra, siyosatchi konstitutsiya va qonun normalariga rioya qilmasdan o‘zini noqonuniy ravishda Boliviya rahbari deb e’lon qilgan. Shuningdek, ishlar bo‘yicha sud jarayoni 28-mart kuni boshlangan, ammo o‘sha kuni Agnesning yig‘ilishda bo‘lgan asabiy holati tufayli u aprel oyiga qoldirilgan.

Ta’kidlanishicha, avvalroq Boliviya sobiq rahbari qamoqxonada kaltaklanganidan shikoyat qilgan. Bu haqda uning qizi Karolina Ribera ma’lum qilgandi, deyiladi xabarda.

• Boliviya
• Jahon
• Prezident
• Qamoqxona