“Toshkent viloyatining tog‘li hududlari bo‘ylab qatnovni yo‘lga qo‘yish maqsadida “Toshavtobustrans” kompaniyasi tomonidan 20 ta Ford mikroavtobusi xarid qilindi”, – deya xabar bermoqda “Toshshahartransxizmat”.

Mikroavtobuslar yangi Chinorkent-Yusufxona-Chimyon-Amirsoy yo‘nalishida ishga tushiriladi.

Mikroavtobusda sun’iy intellekt orqali ishlaydigan Antison DSM kameralari mavjud. Unda 16 ta o‘rindiq bo‘lib, yo‘lovchilar uchun maxsus yukxona ham bor.

“Mazkur yo‘nalish tog‘li hududlardan o‘tishi sababli yo‘lovchilar xavfsizligi masalasiga alohida e’tibor qaratilgan. Shu bois, bir qator mas’ul tashkilotlar mutaxassislari va tajribali tashuvchilar ishtirokida maxsus sinov qatnovlari tashkil etilgan. Sinov natijalariga ko‘ra, Ford mikroavtobuslari tog‘li yo‘llar sharoitida xavfsiz va qulay transport vositasi sifatida tanlangan”, – deyiladi xabarda.

Ma’lumot uchun, avvallari Toshkentdan Xo‘jakentgacha qatnagan elektropoyezd qatnovi 2025-yil yanvar oyi oxiridan 1,5 km masofaga — Chorvoq shaharchasida yaqinida joylashgan “Chinorkent” bekatigacha uzaytirilgandi.

• Avtotransport
• Toshkent viloyati
• Toshshahartrans