Oliy ta’lim, fan va innovatsiyalar vazirligi 2026–2027-o‘quv yili uchun bakalavriat ta’lim yo‘nalishlari hamda ularga mos ravishda test sinovi (kasbiy/ijodiy imtihon) topshiriladigan fanlar majmuasini e’lon qildi.

Vazirlik ma’lum qilishicha, yangi o‘quv yili uchun qabul parametrlari tasdiqlanishi jarayonida yangidan tashkil etilgan ta’lim yo‘nalishlari bo‘yicha fanlar majmuasi qo‘shimcha ravishda tasdiqlanadi.

Shuningdek, Bilimni baholash agentligi joriy o‘quv yilida kunduzgi ta’lim shakli bo‘yicha 36 023 nafar abituriyent davlat granti asosida qabul qilinishini ma’lum qilgan. Mazkur ko‘rsatkich Prezident Shavkat Mirziyoyevning 2025-yil 18-iyuldagi farmoyishi bilan tasdiqlangan bo‘lib, unga muvofiq 36 mingdan ortiq davlat granti ajratiladi.

• Bakalavr
• Bilim va malakani baholash agentligi
• Imtihon
• Oliy ta'lim, fan va innovatsiyalar vazirligi
• O‘zbekiston