31°
Kechasi 18°
Sobiq bosh vazir Boris Jonson Buyuk Britaniyaning navbatdagi Bosh vaziri bo‘lish uchun Konservativ partiya yetakchiligi poygasida qatnashmasligini ma’lum qildi.
Jonson o‘z bayonotida, u Tori deputatlaridan 102 ta ovozga ega bo‘lsa-da, Konservativ partiyada birdamlik yo‘qligi uning nomzodini qo‘yish uchun to‘g‘ri vaqt emasligini aytdi.
“Men Rishi Sunak va Penni Mordaunt bilan suhbatlashib, biz milliy manfaatlar yo‘lida birlasha olamiz deb umid qilganman - afsuski, biz buni amalga oshirish yo‘lini ishlab chiqa olmadik”, - dedi Jonson.
Shuningdek, Buyuk Britaniya Moliya vazirligining sobiq rahbari Rishi Sunak kshanba kuni mamlakat iqtisodiyotini o‘zgartirish va Konservativ partiyani birlashtirish maqsadida Birlashgan Qirollikning navbatdagi bosh vaziri bo‘lish uchun nomzodini e’lon qildi.
“Men rahbarlik qilayotgan hukumatning har bir darajasida halollik, professionallik va mas’uliyat bo‘ladi va men ishni bajarish uchun kun-u tun ishlayman”, - deb ta’kidlagan Sunak.
Norasmiy ma‘lumotlariga ko‘ra, Sunakni kamida 124 nafar konservativ qonunchilar qo‘llab-quvvatlamoqda.
Ta’kidlanishicha, Sunak hozirda Konservativ partiyaning Liz Truss o‘rniga bosh vazir bo‘lish uchun kurashda yetakchilik qilmoqda.
Ma’lumot uchun, Buyuk Britaniya Bosh vaziri Liz Trassning iqtisodiy rivojlanish rejasi bozor va funt sterlingning qulashiga olib kelganidan keyin lavozimidan iste’foga chiqdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
