Gidrometeorologiya xizmati markazi 20–23-oktyabr kunlari uchun havo ma’lumotini e’lon qildi. Respublika bo‘ylab ob-havo asosan quruq va sokin bo‘lishi kutilmoqda.

Qoraqalpog‘iston Respublikasi va Xorazm viloyatida osmon ochiq, shamol sharqdan soniyasiga 7–12 metr tezlikda esadi. Harorat tunlari 0…+8 daraja, kunduzi +13…+23 daraja atrofida bo‘ladi.

Buxoro va Navoiy viloyatlarida ham havo musaffo, yomg‘ir ehtimoli yo‘q. Tunda +6…+13 daraja, kunduzi +21…+30 daraja issiq bo‘lishi kutilmoqda.

Toshkent, Samarqand, Jizzax va Sirdaryo viloyatlarida havo o‘zgaruvchan bulutli bo‘ladi. Shamol sharqdan soniyasiga 7–12 metr tezlikda esadi. Tungi harorat +6…+13 daraja, kunduzgi harorat +18…+28 daraja bo‘ladi.

Qashqadaryo va Surxondaryo viloyatlarida ham ob-havo musaffo bo‘lib, yomg‘ir ehtimoli yo‘q. Harorat tunlari +6…+13 daraja, kunduzi esa +21…+30 daraja bo‘ladi.

Andijon, Namangan va Farg‘ona viloyatlarida osmon kam bulutli, shamol soniyasiga 5–10 metr tezlikda esadi. Harorat tunlari +6…+13 daraja, kunduzi +18…+28 daraja bo‘lishi kutilmoqda.

Tog‘li hududlarda havo nisbatan salqin bo‘ladi. Tungi harorat +3…+10 daraja, kunduzi esa +15…+23 daraja atrofida bo‘ladi.

Meteorologlar ma’lumotiga ko‘ra, kelayotgan haftada respublika bo‘ylab yomg‘ir yog‘ishi kutilmayapti, harorat esa kuz fasli uchun me’yorda saqlanadi.

• Ob-havo
• O‘zgidromet