AQSh prezidenti Donald Tramp Rossiya prezidenti Vladimir Putin bilan Budapeshtda uchrashib, Ukraina urushi masalasini muhokama qiladi, deb xabar berdi CNN.

Uchrashuv qarori ikki yetakchi o‘rtasidagi ikki yarim soatlik telefon suhbatidan so‘ng qabul qilingan. Tramp suhbatni “juda samarali” deb atagan.

U bugun Oq uyda Ukraina prezidenti Vladimir Zelenskiy bilan uchrashib, Putinga oid suhbat tafsilotlarini muhokama qilmoqchi. Shuningdek, AQSh davlat kotibi Marko Rubio Rossiya tashqi ishlar vaziri Sergey Lavrov bilan uchrashadi.

Kreml vakili Yuriy Ushakovga ko‘ra, Putin Budapeshtda tinchlik sammiti o‘tkazish tashabbusini qo‘llab-quvvatlagan.

Tramp Putinning Yaqin Sharqdagi tinchlik bo‘yicha AQShni tabriklaganini aytib, bu yondashuv Ukraina mojarosini hal qilishga ham yordam berishi mumkinligini ta’kidladi.

• AQSh
• Kreml
• Tramp