Ekologiya, atrof-muhitni muhofaza qilish va iqlim o‘zgarishi vazirligining ma’lum qilishicha, Buxoro viloyatida atmosfera havosini muhofaza qilish talablarining buzilishiga qarshi doimiy nazorat reyd tadbirlari o‘tkazib kelinmoqda.

Reyd davomida o‘tgan 9 oy ichida jami 1 356 nafar fuqaro tomonidan huquqbuzarlik sodir etilgani ma’lum bo‘lgan. Xususan, huquqbuzarlarning 117 nafari mansabdor shaxslar ekanligi aniqlangan. 

Ular qurilish chiqindilari va boshqa chiqindi turlarini yoqish, shuningdek, dala va aholi punktlarida xazon, shox-shabbalarga o‘t qo‘yish kabi huquqbuzarliklarni sodir etishgan.

Mazkur holat yuzasidan fuqarolarga nisbatan O‘zbekiston Respublikasi MJtKning 88-moddasiga muvofiq ma’muriy bayonnoma rasmiylashtirilgan. Huquqbuzarlar jami 332 mln so‘m miqdorida jarimaga tortilgan.

• Buxoro