Buyuk Britaniya Mudofaa vazirligining xabar berishicha, Qirollik harbiy-havo kuchlari qiruvchi samolyotlari Fransiya harbiy samolyotlari bilan birgalikda Suriyada IShID tomonidan foydalanilgan yerosti qurol omboriga qo‘shma zarbalar bergan.

Harbiylar bayonotiga ko‘ra, mazkur ombor Palmira shahrining shimolidagi tog‘larda joylashgan bo‘lgan. Buyuk Britaniya Mudofaa vazirligi nishon muvaffaqiyatli yo‘q qilinganini ma’lum qildi.

Dekabr oyida amerikalik harbiylar Palmira hududida AQSh-Suriya patruliga jangarilar tomonidan uyushtirilgan hujumga javoban Suriyadagi IShIDning o‘nlab obyektlariga zarbalar bergandi. O‘shanda IShIDning hujumi oqibatida uch nafar amerikalik halok bo‘lgan.

BMT ma’lumotlariga ko‘ra, IShID hozir ham Suriya va Iroqda 5 mingdan 7 minggacha jangariga ega.

• Buyuk Britaniya
• Fransiya
• Havo hujumi
• IShID