“Cartier” konglomerati “Beautés du monde” yuqori zargarlik buyumlari kolleksiyasini taqdim etdi.

Kompaniya joriy yilning sentabr oyiga rejalashtirilgan Parij kutyure haftaligi boshlanishini kutmasdan, Madridda “Beautés du monde” deb nomalangan yangi va yuqori qiymatli zargarlik buyumlarini namoyish etdi.

Fransuz zargarlik uyi har joyda va har jabhada go‘zallikni qanday topishni biladi. Nafaqat uni topish va hayratga solish, balki zargarlik buyumlari dizaynida talqin qilishda ham tengsiz. Yangi yuqori zargarlik buyumlari kolleksiyasi “Beautés du monde” (“Dunyo go‘zallari”) aka-uka Kartelar tomonidan boshlangan ushbu anʼanani davom ettirmoqda.

“Beautés du monde” kolleksiyasi texnik jihatdan ham qiziq. Bir vaqtning o‘zida 1950 yillarda zargarlik buyumlarida keng qo‘llanilgan titroq sozlash texnikasidan foydalanadi.

Ushbu kolleksiyaga tegishli yuqori zargarlik buyumlarining birinchi to‘plamidan 100 ga yaqin yangi buyumlar Madridda bir vaqtlar Britaniya elchixonasi joylashgan villa parkida namoyish etildi.

Qayd etish mumkin, “Cartier”zargarlik buyumlari, charm buyumlar va soatlarni loyihalash, ishlab chiqarish, tarqatish va sotish bilan shug‘ullanuvchi hashamatli fransuz tovarlari konglomerati bo‘lib, 1847 yilda Parijda Lui-Fransua Karte tomonidan asos solingan. Kompaniya 1964 yilgacha oilaviy nazorat ostida bo‘lgan va bosh qarorgohi Parij shahrida joylashgan. “Cartier” kompaniyasi 125 mamlakatda 200 dan ortiq do‘konlarni boshqaradi va London, Nyu-York va Parijda uchta katta anʼanaviy ofisiga ega.

Hozirda kompaniyaning yillik daromadi 6,1 milliard dollarni tashkil etadi.

• Galereya
• Madrid
• Parij
• Zargarlik buyumlari