Endilikda diplom ma’lumotlarini elektron shaklda olish mumkin. Bu haqda Oliy va o‘rta-maxsus ta’lim vazirligi xabar berdi.

Qayd etilishicha, oliy ta’lim muassasasini tugatganlik to‘g‘risidagi diplom ma’lumotlarini elektron shaklda olish uchun “diplom.edu.uz” axborot tizimi ishlab chiqildi.

Tizim quyidagi jarayonlarni o‘z ichiga oladi:

– bitiruvchilarning diplom ma’lumotlari kiritiladi va tasdiqlanadi;

– diplom ma’lumotlari mavjud bo‘lmaganda bitiruvchilar Yagona identifikasiya tizimi – OneID orqali ro‘yxatdan o‘tib, ma’lumotlarni kiritadi. Oliygoh esa diplom ma’lumotlari to‘g‘riligini tasdiqlaydi.

Ta’kidlanishicha, platforma boshqa davlat idoralari axborot tizimlari bilan integrasiya qilingan. Bunda ma’lumotlar avtomatik tarzda shakllanadi va diplom ma’lumotlarini kiritish talab etilmaydi.

• Diplom
• Oliy ta'lim