“Wilson” kompaniyasi dunyodagi birinchi havosiz basketbol to‘pining 3D ko‘rinishini yaratdi. To‘pning inqilobiy dizayni allaqachon Amerikaning “Xyuston Rokets” basketbol klubi hujumchisi Kay Jey Martin tomonidan yuqori baholangan.

Hozirgacha faqat “Wilson Airless Prototype” deb nomlangan prototip yaratilgan xolos. Bu uning taniqli sport tovarlari ishlab chiqaruvchisi bo‘lgan kompaniya tomonidan rasman taqdim etilgan.

Yangilik o‘ziga xos tuzilishga ega. To‘pning qutbli yuzasi ular orqali havo erkin o‘tishiga imkon beruvchi kichik olti burchakli teshiklar bilan jihozlangan. Shu bilan birga, an’anaviy sakkiz panelli tikuv tuzilishi saqlanib qolingan.

“Bu to‘p biz umuman ko‘rmagan jismga o‘xshab ko‘rinsa-da, ammo u biz bilgan barcha basketbol to‘plari singari o‘ynash uchun mo‘ljallangan”, – deydi ishlab chiqaruvchilar.

“Wilson Labs” jamoasi turli kompaniyalar bilan birgalikda rivojlanishga hissa qo‘shdi. Misol uchun, “General grid” kompyuter yordamida dizayn xizmatlarini taqdim etgani ma’lum, “DeMantion” esa rang berish bilan shug‘ullangan.

Xabarlarga ko‘ra, havosiz basketbol to‘pi sinovlarda yaxshi natijalarga erishgan, ammo uni butun dunyo bo‘ylab basketbol maydonlarida ko‘rish uchun biroz vaqt kerak bo‘ladi. Qiziq, bunday yangi texnologiya narxi qancha turadi? Hozircha bu haqda hech qanday ma’lumot yo‘q.

• Basketbol
• ixtiro