Insoniyat tarixidagi baʼzi kitoblar sizu biz oʻylagandanda qimmatli boʻlib, ular sotilgan narxni eshitgan inson kitob mazmuniga qiziqib qolishi tabiiy. Biz hozir sizlarni ularning top 5 taligi bilan tanishtiramiz.

1. Leonardo da Vinchining “Lester Kodeksi” kitobi – 30,8 million dollar

Kitob umumiy 72 sahifadan iborat boʻlib, unda turli eslatmalar, kuzatishlar, matematik hisoblar va chizmalar mavjud. Lester kodeksining oʻziga xos xususiyati shundaki, Leonardo uni yozishda oʻzgacha shriftdan foydalangan. Siz undagi soʻzlarni faqat maxsus oyna yordamida oʻqishingiz mumkin. Ushbu kitobni 1994-yilda Bill Geyts sotib olgan.

2. Yevangeliye Genrixa Lva “Avliyo Benedikt ordeni” asari 11,7 million dollarga baholangan.

Ushbu qoʻlyozma 12 asrda yaratilgan va 266 sahifadan iborat. Kitobni Germaniya hukumati xarid qilgan va hozirda ushbu qoʻlyozma Avgust kutubxonasida saqlanadi.

3. Jeyms Odyubon qalamiga mansub “Amerika qushlari” kitobi 11,5 million dollarga xarid qilingan.

Unda qushlarning noyob tasvirlari jam boʻlgan. Muallif Jeyms Odyubon har bir qushlar hayotiy oʻlchamiga mos ravishda oʻz qoʻli bilan chizgan. Shu sababdan ham, qanotli qushlar tasvirlanishi uchun 4 jild kerak boʻlgan va kitobning hajmi ham katta.

2010-yilda Londonda kimoshdi savdosida ushbu qimmatbaho kitobni Arab shayxi sotib olgan.

4. Jeffri Choserning “Kenterberi ertaklari” asari 7,5 million dollar qiymatga ega

Asl kitob 15 asrda muallif vafotidan soʻng nashr etilgan. Ushbu kitobning narxi vaqt oʻtgan sari ortib bormoqda. 1776-yilda 6 funt sterlinga sotilgan asar oradan 200 yildan koʻproq vaqt oʻtib 7 500 000 dollarga baholanmoqda.

5. Shekspirning ilk kitobi – 6,17 million dollar

Bu kitob birinchi marta Uilyam Shekspir vafotidan keyin, 1623-yilda nashr etilgan. Kitob 900 sahifadan va 36 ta pyesadan iborat.

Ajablanarlisi shundaki, kitobning asl narxi atigi 1 funt sterling edi. Bugungi kunda esa 6 million dollardan yuqori qiymatga ega.

• Tarix
• qiziqarli