Eron Isroil hujumiga “muvozanatli va puxta o‘ylangan” javob berishga tayyor, dedi Eron prezidenti Mas’ud Pezeshkiyon X ijtimoiy tarmog‘ida.

“Eron bolalari vatanlarini himoya qilib, o‘z hayotlarini qurbon qildilar. Men armiyaning jasur askarlariga, ularning oilalariga va qahramon xalqiga hamdardlik bildiraman. Eronning dushmanlari shuni bilishlari kerakki, bu jasur odamlar o‘z yerlarini qo‘rqmasdan himoya qiladilar va har qanday ahmoqlikka muvozanatli va mulohazali javob berishadi”, – degan Pezeshkiyon.

Shuningdek, Isroil zarbasi tufayli Eron ham BMT xavfsizlik Kengashining favqulodda yig‘ilishini so‘ragan.

AQSh mudofaa vaziri Lloyd Ostin, o‘z navbatida, Eron “xato” qilmasligiga va kuchayishda davom etmasligiga va Isroil zarbalari o‘zaro otishma almashinuviga chek qo‘yganiga umid bildirdi.

Isroil 26-oktyabrga o‘tar kechasi Eron hududiga zarba bergan. Ular Tehronning “bir necha oylik doimiy hujumlari”ga javob sifatida joylashtirilgan. Zarbalar natijasida to‘rtta Eron harbiylari halok bo‘lgan.

• Eron
• Isroil
• hujum